வாழ்த்துகளும் வைபவங்களும் 14/02/2016

காற்றடிக்குது மழையடிக்குது

கன்னிமழைவந்து கண்ணுக்குள் தைக்குது

அக்கக்கா கதவைத் திற என்

அக்கக்கா கதவைத் திற

நீ நேற்றுச் சொன்ன கதையெனக்கு

நினைவில் நிற்குது இங்கே

நேருகின்ற கதையைச் சொல்ல

நெஞ்சந் துடிக்குது

ஆற்றுவௌள்ளம் போலெ நெஞ்சம்

அலை புரள்கிறது இங்கே

யாருறவு என்னை வந்து ஆதரிக்கிறது

அக்கக்கா கதவைத் திற என்

அக்கக்கா கதவைத் திற

வாசல் தேடி ஓருறவு வருவதுமில்லை என்

வார்த்தைக்காக ஓருயிரும் வாழ்ந்ததும் இல்லை

பாச நேச வேஷமெல்லாம் பகலில் கரையுது இங்கே

காசுமட்டும் பேசவந்து கடை விரிக்கிறது

அக்கக்கா கதவைத் திற என் 

அக்கக்கா கதவைத் திற

ஓசையின்றி உடன் பிறப்புகள் ஓடியொழியுது பிள்ளைப்

பாசம்மட்டும் அவர் மனதை மூடி மறைக்குது

நீதியின்றி நேர்மையின்றி வாழ்ந்து போகிறார் பட்ட

நன்றிகூட மறந்து இவர் வாழ்ந்து காட்டுறார்

அக்கக்கா மனதைத் திற என்

அக்கக்கா உன் மனதைத் திற. 07/03/2014

குட்டிக் கண்ணன் சாடி பின்னால் 

கெட்டித்தனமாய் ஒளிக்கிறான் - உரலில் 

கட்டிவைத்து ஊரைக்கூட்டி 

யசோதையம்மா முறைக்கிறாள் - உலகை

கட்டிக்காக்கும் கடவுளையும் 

கட்டிப் போடும் தாய்மை - உலகம் 

சுட்டிக் காட்டும் தவறுகளைத் 

தட்டிக் கேட்கும் நேர்மை. - ஜோதி.

மும் மணத் தம்பதியர்க்கு

எம் மன வாழ்த்து என்றும் 

தம் மண வாழ்விலென்றும்

செம் மனம் சிறந்து வாழ்க.